العالم فى اسبوع اللواء د م سامي دنيا 🇪🇬
العالم فى اسبوع
روسيا
الجيش الروسي من صباحية ربنا
من اول ما الحلوة قامت تعجن في الفجرية
وموسكو نازلة عجن في كييف عاصمة أوكرانيا من الفجرية بالصواريخ البالستية
المراسلين في اوكرانيا بيقولوا ....
ان الجيش الروسي بيقصف العاصمة بصواريخ فرط صوتية اللي هو اصلا الصاروخ بياخد ٣ دقايق من لحظة دف ...
والدفاع الجوي الاوكراني بيقول ..
احنا يادوب بنلمح الصاروخ يقولنا ساموعليكو مبنلحقش نقوله عليكو مالسلام حضرتك....!!
بوتين يسكت على كدا .... أبداا
بوتين طلع وقال إمبارح....
خلينا نلعب شوية بالدفاع الجوي للنيتو.... على فكرة قال كدا حرفيا مش كلام وخلاص
وقال كمان...
على فكرة ضربة النهاردة دي ردا على ضرب اهداف روسية بالصواريخ الغربية
طب ياعم بوتين دا انت لسه قائد السلاح الكيميائي والحرب البيلوجية بتاعك ميت فطيس وخرتأوه وهو خارج من بيته يوم التلات ....مش ناوي ترد عليهم !!!
قالي ..قريبااا جدا العالم كله هيشوف بعنيه رد الدب الروسي
أمريكا....
وبعدين بقا في خناقة كل سنة...!!!
كل سنة في بدايتها في خناقة في امريكا بين الحزب الجمهوري والحزب الديموقراطي ف الكونجرس الأمريكي ويقطعوا هدوم بعض !!!
هتقولولي ليه .... ما خلاص ترامب بقا رئيس أمريكا !!!
هقولكم علشان الإغلاق الحكومي ...!!
هتقولي يعني ايه دا ؟؟
هقولكم أمريكا عليها ديون ب ٣٥ ترليون دولار .... تمام !!!
لا مش تمام علشان كل سنة ف الموازنة الجديدة بند الديون ده بيوقف إعتماد الموازنة الجديدة .... اللي هو هتسددوه إزاي ؟؟
يردوا ويقولوا منعرفش...
وكمان في بند في الموازنة إسمه حد الدين اللي هو لما توصل ليه الديون لازم يقفلوا الحكومة ويوقفوا المرتبات ل ٢ مليون موظف امريكي شرطة بقا ولا جيش ولا مطارات ولاحتى عفريت ازرق……اي موظف حكومي ف أمريكا مرتبه بيقف تماما لحد ما يشوفوا حل والموازنة تعدي هتقولولي الله ...طب كل سنة بيعملوا بيسددوا ؟؟ هقولكم لاء مبيسددوش طبعا وبعد الخناق والذي منه بيتفقوا في الكونجرس انهم يرفعوا حد الدين...!!! هتقولولي الله طب والديون اللي متسددتش !!! هقولكم بيقوللهم اعملوا نفسكم مش واخدين بالكم منها .... وعديلي وأعديلك
وشيلني وأشيلك
هتقولولي الله طب والمؤسسات والشركات والبنوك والدول اللي ليهم فلوس عند امريكا بيعملوا إيه !!!
هقولكم امريكا بتقولهم خبيبي.... هو إنت مش معاك ورقة بفلوسك اللي عليا...!!!
خلاص يا خبيبي ليك وهتاخد ومع الزمن هتنسى وانا بطبع دولارات اهه يا خبيبي علشان أسددلك فوايد الدين !! وبس يا سيدي دي خناقة كل سنة في الكونجرس في الاخر الكونجرس لازم يوافق على رفع حد الدين ومن ٢٠ ترليون ل ٢٥ ترليون ل ٣٠ ترليون ل ٣٥ ترليون لحد ما هيوصل ل٤٠ ترليون دولار... في اللحظة دي النظام المالي في امريكا هينهار لوحده تماما علشان دا معناه ان امريكا طبعت ٤٠ ترليون ورقة دولار.... ممكن العالم يستخدمة كورق تواليت ملهوش غطاء ذهبي في البنك الفيدرالي وهي دي اللحظة اللي الصين يا سيدي مستنياها...
الصين بقا بتستعجل اللحظة دي حضرتك...!!
طب بتعمل إيه ؟
الصين هي اكبر دولة في الكوكب عندها إحتياطي دولاري
قامت من إسبوع بدات تشتري دهب من العالم كله وتزود إحتياطيها من الدهب وتتخلص من الدولار عندها
انتوا مش عايزين ورق..... خدوا يا باشا
امريكا تعمل إيه علشان متلبسش الدولارات دي كلها...؟
قامت خفضت الفايدة علشان الدولارات تخرج من عندها وتلف في العالم
مهو حضرتك طول ما هي رافعة الفايدة العالم كله بيجري يحوش دولارات عندها علشان الفايدة العالية
بصوا هي لعبة القط والفار والكوكب كله هيصحى من النوم في لحظة.....هيكتشف ان باي باي دولار وإنهيار للأسواق المالية في العالم
معادا..... اللي مدفي نفسه بغطاء ذهبي
سوريا....
قلبي والله.... يا سلام وانا بتفرج على سوريا من إمبارح الشعب السوري إمبارح عمل مظاهرات ونزل الشارع.... قال إيه عايزين دولة مدنية
قام الجولاني بعتلهم مندوب عنه وبالميكرفون في الميدان في قلب دمشق وقالهم...
مالكم يا حبايب ربنا....!!
دا إحنا بنحبكم وهنعملكم دولة بتطبق شرع ربنا ردوا عليه المتظاهرين وقالوله احنا عايزين دولة مدنية يا روح أمك قالهم.... مين اللي جاب سيرة أمي يا إمرأة ؟؟ وبس يا سيدي عينك ما تشوف إلا النور قالهم المظاهرات أصلا حرام وانتوا اصلا كفار..... وإني أرى رؤسا قد اينعت وحان وقت خرتأتها
القصة والحدوتة تخلص على كدا.... أبدا
أمريكا النهاردة باعته وفد من الخارجية الأمريكية لسوريا لمقابلة مين.... أحمد الشرع
ايوا حضرتك.... احمد الشرع اللي امريكا راصدة ١٠ مليون دولار للي هيلمس..... مممم واتيفر يعني الوفد قعد معاه واتطمنوا عليه وعلى .... مممم واتيفر يعني صحته والله انا شايفة ان العشرة مليون دولار المفروض ياخدهم بلينكن علشان هو الوحيد اللي عارف مكانة..... مسخرة السنين والله،القصة تخلص على كدا .... ابدا !!
قسد او قوات سوريا الديموقراطية طلعت بيان وقالت شهر العسل اللي بينا وبين الجولاني انتهى والاتفاق اللي بينا يبله ويشرب ميته ومن الصبح هنبدأ تحرير سوريا
اللي هو أحييييه.....
هو إنتوا مش حررتوها .... !!
قالك لاء مهو زيادة التحرير تحريرين... حاجة كدا زي زيادة الخير خيرين
اليمن...
فاليمن بقا في واحد من الحوثيين كل يوم يطلع يلقي بيان حربي وهو بيحزق ويقول احنا اللي منيمين إسر-ئيل من المغرب وضربنا عليها صاروخ من بتوع العيد الصغير وبكرة يكبر ويبقا صاروخ من بتوع العيد الكبير... والله كل ما بشوفه بخاف لتنزله قليطة من كتر الحزق
المهم يعني تقريبا كدا إسر-ئيل صعب عليها الحزق اللي بيحزقه ليطقله عرق فراحت بعتاله الطيران الحربي يوم الاربع دمرله كل مصافي النفط ومحطات الكهربا والمواني
اللي هو قطعت عنه المية والنور
هتقولولي يا سلام على حنية إسر-ئيل.... يا سلام على إنسانيتها شوف يااخي خافت على واحد حوثي من الحزق ليطقله عرق فراحت ضلمتله اليمن كلها
هقولكم ولا حنية ولا زفت...
هي بتضرب كل أزرع إير-ن في المنطقة علشان لما تدخل تدشملها محدش يقدر ينطق
خلصت على حم-اس.... وخلصت على حزب-الله.... وخلصت على القوات الموالية ليها في سوريا وهتخلص ع الحوثيين وبعد كدا هتدخل على إير-ان وهتقلوهم إقلعوا.... ملط حضرتك
تركيا...
إير-ان كانت بتمد سوريا بالطاقة على مدار العشر سنين اللي فاتوا وطلع رئيس ايران يوم التلات وقال احنا لينا عند سوريا ٣٠ مليار دولار ديون ومن النهاردة هنقطع عنهم البترول .... تمام !!
لا مش تمام .... علشان طلع رجب الطيب الحونين النهاردة وقال احنا هنمد سوريا بكل ما يلزمها من الطاقة
يا سلام ع الحنية.... يا سلام ع الانسانية !!
رجب قالك ولا حنية ولا انسانية ولا زفت... انا بس هاخد قصاد كدا حلب وحتة صغنونة كدا من شمال سوريا من حرف الصينية يعني.... علشان بتكون مرقمشة
ألمانيا....
قلبي عندك يا شولتس يا خوياااا
البرلمان الالماني اسقطة وبيطالب بإنتخابات مبكرة ليه يا ألمان يا ولاد الحلال .... دا شولتس طيب وابن حلال قالك المانيا لو كملت بالشكل ده كمان سنة مش بعيد تروح على باب السيدة والحسين وتشحت
وفي تحيا مصر
إمبارح كان في مؤتمر للثماني دول النامية في مصر....!!
فين حضرتك ...؟
ف القصر الرئاسي في العاصمة الإدارية
معلومة ..
حضراتكم الوفد السعودي اللي عايز ييجي يستثمر في مصر فضل رايح جاي ييجي اربع سنين ومصر تقولهم يفتح الله..... هتاخد بشروطي طب القصة تخلص على كدا.... ابدا !!
النرويج والسويد والدنمارك .... أكبر صناديق سيادية في العالم كانوا هييجوا مصر علشان إيه ....عشة الفراخ اللي كنا عايشين فيها ايام مبارك ؟ لا حضرتك هما دلوقتي لما شافوا العاصمة الادارية وباقي المدن الجديدة ...كدا بالنسبالهم هي بقت دولة ييجوا جرى بفلوسهم والموضوع اصلا ليه بعد قومي....!!
قولولي إزاي ؟؟ لما الخليج كله يجيب فلوسه يستثمرها هنا والإتحاد الاوروبي يجيب فلوسه كلها يستثمرها هنا وكل المصانع والشركات العالمية تيجيي تستثمر هنا محدش هيفكر يضرب عليك طلقة ولا حد هيفكر يوقع عليك عقوبات علشان هما كدا هيعاقبوا نفسهم وهتروح عليهم إستثماراتهم
السيسي بيلعب جيم عاااااالمي
السيسي بيقولهم انا عامل إجتماع للدول النامية علشان الإستثمار والإقتصاد
يعني يا شركات ويا مؤسسات ويا مصانع ويا دول العالم اللي هييجي يستثمر عندنا هيقدر يوصل لأسواق ال٨ دول النامية دول
وفي نفس الوقت بيعمل تسويق للعاصمة الإدارية الجديدة على المستوى الدولي
استنوا بس لما ييجي رؤساء دول ال٢٠ الصناعية الكبرى في العاصمة الإدارية
او إجتماع البريكس في مصر مثلا
هتشوفوا العظمة بجد
ايوا حضراتكم انتوا عايزين السيسي يستقبل الناس دي فين ..... في عشة الفراخ اللي كانت موجودة مثلا !! واضح ان الشعب المصري نسي صفر المونديال لما جت لجنة الفيفا وقالت..... هي فين الدولة اللي هتنظم دي .... دي عشة فراخ احنا اخدنا صفر ساعتها في كل حاجة حضرتك
صفر طرق
صفر ملاعب
صفر بنية تحتية
صفر فنادق
صفر مدن اللي هتقام عليها البطولة
ياااخي دا من كتر الأصفار اللي اخدناها ملقيوش اصفار تانية يدوهولنا
راحوا مدينا صفر علشان مفيش حمامات او تواليت في الطرق والشوارع والله
علشان يطلع ساعتها قرار بإن مفيش بنزينة هتاخد تصريح غير لما تعمل توليت عندها..
ولنا لقاء أخر ...
تحيامصر السيسي حرة شامخة
أبية عصية علي اعدائها .
التعليقات على الموضوع