د ياسر الشريف الحب المنسى 🇪🇬
الحب المنسى
إزاي أكون رومانسي؟
وزمني فيه الحب منسي
والحزن علينا بيصبح والهم بيمسي
لا عرفت يوم هيفا ولا شوفت يوم نانسي
والجوع بقي كافر والكل بيعافر والقسوة بتنسي
والدنيا دوارة مكسب على خسارة واليوم دفن أمسى
وماتت الأحلام من قسوة الأيام ف صراع ما بينى وبين نفسى
والعمر بيعدى والأمر ما بيدى وبأتمنى من ربى مركبى ترسى
والحياة بحر وموج عالى والقلب مش خالى كِرهت أنا عَبثى
وروحى مخنوقة بحبل العشق مشنوقة من غير حبل أو كرسى
التعليقات على الموضوع